Авыл хуҗалыгы рубрикасы буенча яңалыклар

• 23 май 2018

  «Акыл картлары» язгы чәчүне карап йөрде

  Язның бер көне ел туйдыра, ди халык мәкале. Чәчү вакытында эш барышының ничек оештырылуы, барлык технологияләрнең үтәлеше никадәр әһәмиятле һәм мөһим икәнен авыл хуҗалыгы тармагында эшләмәгән кеше дә аңлый. Ә гомер буе җир тәмен, җир сулышын тоеп хезмәт иткәннәргә инде ул алтын кебек кыйммәтле вакыт. Нәкъ шуның өчен дә башкарма комитет җитәкчесе Фаил Камаев район басуларын карау, агрономнарның эш оештыруы белән танышу, киңәш бирү һәм кирәк булганда проблемаларын чишү юлларын табу өчен авыл хуҗалыгы аксакалларыннан ярдәм сорады.

  
• 23 май 2018

  Язгы бөртекле культураларны чәчү соңгы гектарларда бара 

  Район авыл хуҗалыгы һәм азык-төлек идарәсеннән алынган мәгълүматларга караганда, 22 май иртәсенә районда 45 мең гектар мәйданда чәчү башкарылган, бу пландагы мәйданның 89 проценты дигән сүз.

• 18 май 2018

  Чәчү өчен һава торышы әйбәт, ләкин дым кирәк – яңгыр көтәбез 

  Район авыл хуҗалыгы һәм азык-төлек идарәсеннән алынган мәгълүматларга караганда, 17 май иртәсенә районда язгы чәчү 56 процентка башкарылган. Шул исәптән 22,2 мең гектарда язгы бөртекле культуралар, 2,5 мең гектарда шикәр чөгендере, 3,8 мең гектарда азык культуралары чәчелгән. Хуҗалыкларның җитештерүчәнлекләре бер тәүлеккә 3,7 мең гектар тәшкил итә. «Шилнә» җитештерү кооперативы бәрәңге утыртуга керешкән. Бүгенге көнгә 38 гектар бәрәңге буразналарга салынган. Чәршәмбе көнне без «Чаллы яшелчәсе+» хуҗалыгында булып, эш барышы белән танышып кайттык. Безне хуҗалык җитәкчесе Ришат Хатыйпов каршы алды. 

  
• 16 май 2018

  Язгы бөртекле культураларны чәчү 52 процентка башкарылды

  Район авыл хуҗалыгы һәм азык-төлек идарәсеннән алынган мәгълүматларга караганда, бүгенгә район авыл хуҗалыгы предприятиеләренең һәм крестьян-фермер хуҗалыкларының барысы да чәчүгә чыккан.

• 18 апрель 2018

  Бүген барлык хуҗалыклар да чәчүгә чыгарга тулысынча әзер булырга тиеш

  «Бүгенге очрашуны язгы чәчүнең башы дип исәпләгез», - диде район башкарма комитеты җитәкчесе Фаил Камаев С. Сәйдәшев исемендәге хуҗалыкта үткән, нәкъ менә язгы кыр эшләренә багышланган семинарда. Семинарга да авыл хуҗалыгы предприятиеләрендә эшләүчеләр генә түгел, җирлек башлыклары, мәгариф хезмәткәрләре дә чакырылган иде.

  
• 11 апрель 2018

  «Чаллы яшелчәсе+» техникасы чәчүгә тулысынча әзер, «Кама»да ашлама кертә башладылар

  Бүген район авыл хуҗалыгы предприятиеләренең һәм фермерларның язгы чәчүгә әзерлеге 90нан башлап 99 процентка кадәр тәшкил итә, дип белдерде дүшәмбе көнне хакимияттә үткән киңәшмәдә авыл хуҗалыгы һәм азык-төлек идарәсе башлыгы Хәйдәр Сабитов. Шуңа күрә алдагы көннәрдә бу эшне тәмамлау өчен бар көчне куярга кирәк, диде ул. «Камский» хуҗалыгы өчен ул...

  
• 06 апрель 2018

  Яхшы уңыш алу өчен нинди орлык чәчәргә?

  Россельхозцентрның районара филиалы башлыгы Назим Сәләхетдинов 2018 елның чәчү кампаниясенә әзерлек кысаларында район хуҗалыкларында орлыклар белән тәэмин ителеш торышы турында мәгълүмат бирде.

• 26 гыйнвар 2018

  «Колыннар сатып алырга хәтта чит регионнардан да киләләр»

  Элеккеге вакытларда тормышны аттан башка күз алдына да китереп булмаган. Ул игенчелектә дә иң төп көч булган, транспорт ролен дә үтәгән, ризык буларак та кулланылган, ир-ат өчен тугры дус, ярышларда катнашып җиңүләргә ирешә торган горурлык та булган. Бүгенге көндә, әлбәттә, игенчелектә дә, көндәлек тормышта да комбайннар, тракторлар, машиналар кулланыла. Шулай...

• 13 гыйнвар 2018

  Нарат-чыршыларыгызны ташларга ашыкмагыз, аларны кәҗәләр яратып ашый

  Яңа ел бәйрәмнәре узып китте. Өй түрендә бизәнеп-ясанып торган чыршы-наратларның да кадере, балалар өчен кызыгы бетте. Хәер, искечә Яңа елга кадәр әле алар торалар. Аннан соң инде урыннары чүп контейнерларына күчә.

• 10 гыйнвар 2018

  Хоккей да уйнадык, чаңгыда да шудык, көрәштек тә

  Район авылларында ныклап хоккей кортлары төзелә башлаганнан соң, бу уен белән мавыгучылар саны да артты. Нигездә, мәктәп укучылары, авыл яшьләре тартыла әлеге шөгыльгә. Яңа ел каникулларында да хоккей мәйданчыклары буш тормады. Ялларда спортзалларда да күп төрле чаралар үткәрелде, райондашлар чаңгыда шуды, башка төр чараларда катнашты.

• 27 декабрь 2017

  Зоотехнология ысулларын куллану – хуҗалык үсешенә ярдәм итә

  Киләсе 2018 ел ТРның терлекчелек тармагында «Югары продукт бирүче таналар үстерү елы» дип игълан ителгән. Әлеге чара кысаларында «Чаллы яшелчәсе+» хуҗалыгында терлекчелек буенча «Югары продукт бирүче таналар үстерү» дип аталган зур семинар-киңәшмә узды. Чарада «Элита» нәсел хуҗалыгы акционерлык җәмгыяте генераль директоры Фәннүр Зарипов, ТР Министрлар Кабинетының баш ветеринария идарәсе дәвалау-профилактика...

• 27 декабрь 2017

  Тукайлылар каз ярминкәсендә сату итте

  Яңа ел алдыннан, гадәттәгечә, каз ярминкәләре башланып китте. 16 декабрьдән Яр Чаллы шәһәренең Төзүчеләр стадионы мәйданында һәм Шамил Усманов урамының Пушкин урамыннан алып Вахитов проспектына кадәрге өлешендә сату урыннары оештырылды. Якын-тирә Сарман, Мөслим, Алабуга, Актаныш, Менделеевск, әлбәттә инде, Тукай районнарыннан, Чаллы шәһәреннән фермерлар, шәхси хуҗалыклар, шәхси эшмәкәрләр сату эшенә чыкты.

• 06 декабрь 2017

  Техника яңарту: эре предприятиеләр җаен таба, ә менә фермерларның бу яктан хәле катлаулы

  Район авыл хуҗалыгы һәм азык-төлек идарәсенең механизация буенча консультанты Газинур Хөснуллин хакимияттә үткән киңәшмәдә авыл хуҗалыгы предприятиеләрендә техниканың кышкы саклауга куелышы һәм 2018 елгы кыр эшләренә әзерлеге турында хисап тотты. Үз чыгышында ул техника яңартуга да кагылды. «Бу бик җитди мәсьәлә. Һәр елны нинди дә булса техника сатып алмасаң, эздән...

• 22 ноябрь 2017

  Сатучыларга клиентларның күп булуы, сатып алучыларга чиста продукция кирәк

  Яр Чаллыда авыл хуҗалыгы ярминкәләре дәвам итә. Тукай районы җитештерүчеләре бу сезонда яңа территориягә - ГЭС бистәсенең Төзүчеләр стадионы янындагы мәйданчыгына беркетелгән иде. Сатуларын шунда дәвам итүчеләр дә бар, урын уңайсыз, сатып алучылар аз йөри дип, Шамил Усманов урамына, Галиәсгар Камал бульварына чыгучылар да бар. Күпчелеге Сарман трактында саткан вакытларын...

• 15 ноябрь 2017

  «Гигант»та кышлату чоры яңартылган терлекчелек комплексында башланды

  «Гигант» хуҗалыгында бүген барлыгы 2 мең баштан артык мөгезле эре терлек бар. Бу узган елга караганда 112гә күбрәк. «Продуктлылыкны арттырыр өчен малны ашату-эчертү генә җитми, аларны тоту өчен уңайлы шартлар да тудырырга кирәк», - ди предприятиенең җитәкчесе Риф Имамов. Биредә терлекләр барысы 10 корпуста асрала. Соңгы елларда аларның барысына да...