Авыл хуҗалыгы рубрикасы буенча яңалыклар

• 02 август 2018

  «Ирек» һәм «Камский» җитештерү кооперативлары терлек азыгы әзерләү күрсәткечләрен тоткарлый 

  Хакимияттә үткән атналык киңәшмәдә авыл хуҗалыгы һәм азык-төлек идарәсе башлыгы Ренат Хәсәнов урып-җыю кампаниясе белән беррәттән баручы терлек азыгы әзерләү эшенә дә нәтиҗә ясады.

• 01 август 2018

  Ашлык амбарларында якын арада ремонт эшләрен тәмамлау мөһим

  Районда максатчан программа буенча 11 сыер фермасы ремонтлана, бүгенге көндә әлеге эш 83 процентка башкарылган. Шулай ук хуҗалыкларның дүрт машина-трактор паркында ремонт эшләре бара.

• 18 июль 2018

  Урак комбайннар парадыннан башлана

  Якынлашып килүче урып-җыю кампаниясе кысаларында, узган шимбә көнне районыбызның сигез хуҗалыгының техника мәйданчыгында комбайннар парады узды. Урып-җыюда катнашачак һәрбер комбайн район башкарма комитеты җитәкчесе Фаил Камаев җитәкчелегендәге комиссия тарафыннан җентекләп тикшерелде. Иң беренче чиратта комбайннарның герметиклыгы – бодайның коелу-коелмавы каралды, аннары техник торышын күзәтү идарәсеннән рөхсәт кәгазьләре барланды, кабиналардагы тәртип, куркынычсызлык чараларына (сигнал бирү, утларның яну-янмавы, ут сүндергеч булу), комбайннар белән килгән янгын сүндерү машиналарына, механизаторларның өстендә махсус форма булуына игътибар ителде. Бар яктан да уңай бәяләнгән комбайннарның механизаторларына һәм ярдәмчеләренә урында ук 1000ешәр һәм 500әр сум күләмендә премия тапшырылды.

  
• 14 июль 2018

  «Гигант» хуҗалыгында мәктәп укучылары комбайнчы ярдәмчесе булып эшли

  Дүрт чирек буе мәктәп партасы артында утырган балалар өчен каникуллар көтелгән ял булса, кайберәүләр өчен җәй – акча эшләп алу, әти-әнигә ярдәм итү вакыты да. Район мәшгульлек үзәге башлыгы Татьяна Сиврюк хәбәр итүенчә, 1 июльгә 80 яшүсмер эш белән тәэмин ителгән. Районда балаларны вакытлыча эшкә урнаштыруда ел саен даими хезмәттәшлек итүче оешмалар бар. Бу – Сәйдәшев исемендәге, «Ярыш», «Гигант», «Р-Агро», «Кама Бекон» хуҗалыклары, «Биклән» җитештерү кооперативы. Әлеге оешмаларга укучыларның күбесе ярдәмче буларак эшкә алынган һәм үз кулларыннан килгәнчә хуҗалыкка файда китерәләр. Хезмәт хакына килгәндә, мәшгульлек үзәге аша эшкә урнашкан балаларга тулы сәгатьләрне эшләгәндә эш бирүчедән ким дигәндә 11163 сум (минималь хезмәт хакы) һәм үзәктән өстәмә рәвештә 1276 сум хезмәт хакы түләү каралган. Эш күләменә һәм сәгатьләренә карап, бу акча шактый гына артырга да мөмкин. 

  
• 13 июль 2018

  Урып-җыю техникасын иң яхшы итеп әзерләүчегә премия биреләчәк

  Авыл хуҗалыгы тармагының җаваплы чоры якынлаша – басуларда игеннәр өлгерә. Тиздән – урак. 14 июль көнне район хуҗалыкларының урып-җыюда катнашачак техникасы тикшереләчәк.

• 11 июль 2018

  Бер көндә 12 тоннадан артык яфраказык әзерләдек

  Бюджет тармагында эшләүче хезмәткәрләр, хакимиятнең төрле бүлекләрендә хезмәт куючылар тарафыннан районның хуҗалыкларына яфраказык, бәйләмле печән, дару үләннәре әзерләшү буенча өмәләр дәвам итә. Пландагы 90 тонна терлек азыгының 76 тоннасы әзерләнде инде. 

• 06 июль 2018

  Бюджет тармагы хезмәткәрләре, хакимияттә эшләүчеләр хуҗалыкларга терлек азыгы әзерләргә ярдәм итә

  Билгеле булганча, районның барлык авыл хуҗалыгы оешмаларында кышкы чорга терлек азыгы әзерләү бара. Быел, хуҗалыкларга булышлык күрсәтү йөзеннән, бюджет тармагында эшләүче хезмәткәрләр, хакимиятнең төрле бүлекләрендә хезмәт куючылар район хуҗалыкларына яфраказык, бәйләмле печән, дару үләннәре әзерләшергә чыктылар. Чәршәмбе көнне шундый өмәләрнең беренчесе узды. Бу көнне күмәк тырышлык белән яшь малларга 10 тоннадан артык бәйләмле печән әзерләнде.

  
• 04 июль 2018

  Авыл хуҗалыгы тармагының соңгы биш айдагы эшчәнлегенә нәтиҗә ясалды

  Район хакимиятендә үткән киңәшмәдә терлекчелек һәм игенчелек тармагының соңгы биш айдагы эшчәнлегенә нәтиҗә ясалды. Чарада район башкарма комитеты җитәкчесе Фаил Камаев, авыл хуҗалыгы һәм азык-төлек идарәсе белгечләре, авыл хуҗалыгы предприятиеләренең җитәкчеләре һәм баш белгечләре катнашты.

  
• 04 июль 2018

  «Ярыш» хуҗалыгында печән әзерләү тәмамланды 

  Бүген район хуҗалыкларында актив рәвештә терлек азыгы әзерләү эше бара. Эссе, явым-төшемсез көннәр чабылган үләнне киптерергә һәм тиз арада җыеп алырга мөмкинлек бирә. Гомумән, 3 июль иртәсенә район буенча кышлыкка терлекләр өчен 5711 тонна печән, 8437 тонна сенаж әзерләнгән, бу бер баш шартлы терлеккә 4,1 центнер азык дигән сүз. 

  
• 27 июнь 2018

  Терлек азыгы әзерләү оешкан төстә бара

  Район хуҗалыкларында кышкы чорга терлек азыгы әзерләү дәвам итә. 26 июнь иртәсенә авыл хуҗалыгы һәм азык-төлек идарәсеннән алынган мәгълүматлардан күренгәнчә, район буенча 1372 тонна сенаж, 1341 тонна печән һәм 40 тонна яфраказык әзерләнгән.

• 21 июнь 2018

  Аграрийларга ун көн эчендә күпьеллык үләннәрне чабып бетерү бурычы куела

  Бүгенге көнгә районда чүп үләннәренә каршы 48,3 мең гектар, төрле авыруларга – 6,2 мең гектар һәм корткычларга каршы 2,1 мең гектар җир эшкәртелгән. Яфрактан тукландыру эше 2,5 мең гектар мәйданда, тамырдан тукландыру 9,2 мең гектарда башкарылган.

• 07 июнь 2018

  Терлек азыгы әзерләр чак җитте

  Районда шушы көннәрдә авыл хуҗалыгының актуаль мәсьәләсе – алдагы кышлату чоры өчен терлек азыгы әзерләү буенча семинар-киңәшмә узды. Чарада район башкарма комитеты җитәкчесенең икътисад буенча беренче урынбасары Ленар Авзалов, авыл хуҗалыгы һәм азык-төлек идарәсе белгечләре, авыл хуҗалыгы предприятиеләренең җитәкчеләре һәм белгечләре катнашты.

  
• 06 июнь 2018

  Авыл хуҗалыгы министры язгы кыр эшләренә нәтиҗә ясады 

  Министрлар Кабинетында узган видеоконференциядә ТР авыл хуҗалыгы һәм азык-төлек министы Марат Әхмәтов язгы чәчү эшләренә нәтиҗә ясады. Быел республика буенча барлык чәчүлек мәйдан 2,8 миллион гектарны тәшкил иткән.

• 30 май 2018

  Яхшы күрсәткечләр савымчыларның эшкә карашына да бәйле

  Район авыл хуҗалыгы һәм азык-төлек идарәсеннән алынган мәгълүматларга караганда, С.Сәйдәшев исемендәге хуҗалыкта бүген бер сыердан көненә уртача 19 литр сөт савыла. Бу тармакта яхшы күрсәткечләр шулай ук «Гигант», «Чаллы яшелчәсе+» хуҗалыкларында. Аларда көнлек тулаем савым 13 тоннадан артык. 

  
• 25 май 2018

  Язгы культураларны чәчү ахырына якынлаша

  Район авыл хуҗалыгы һәм азык-төлек идарәсеннән алынган мәгълүматларга караганда, 24 май иртәсенә районда 47,5 мең гектар мәйданда чәчү башкарылган, бу пландагы мәйданның 95 проценты дигән сүз. Шул исәптән 7,6 мең гектарда азык культуралары чәчелгән, 137 гектарда бәрәңге, 102 гектарда яшелчә утыртылган. Язгы бөртекле культураларны чәчү ахырына якынлаша. «Чаллы яшелчәсе+», «Гигант», «Кама-Бекон», «Ярыш», «Кама», Сәйдәшев исемендәге, «Биклән», «Вилданов» хуҗалыклары, «Тукай азык-төлек корпорациясе чәчүне тәмамлау алдында. Шушы көннәрдә авыл хуҗалыгының актуаль мәсьәләләре буенча семинар-киңәшмә узды. Чарада район башлыгы Фаил Камаев, авыл хуҗалыгы һәм азык-төлек идарәсе белгечләре, авыл хуҗалыгы предприятиеләренең җитәкчеләре һәм баш белгечләре катнашты.