Тукайлыларның 75 проценты тавыш бирде

Тукай районының Территориаль сайлау комиссиясе мәгълүматларына караганда, 17 сәгатькә районда сайлаучыларның гомуми саныннан 75% тавыш бирде. Участокларга халык килүен дәвам итә.

Бүген районда тыныч һәм бәйрәмчә рух хөкем сөрә, - ди Тукай районының җирле сайлау комиссиясе рәисе Валентина Игнатьева. - Тукайлылар көр кәеф белән сайлау участокларына килә. Халыкның активлыгы югары. Көн ахырына кадәр шундый уңай күренеш дәвам итәр, дип ышанам. Территориаль сайлау комиссиясенә сайлау барышына кагылышлы шикаятьләр һәм гаризалар булмады. Комиссияләр төгәл, тоткарлыксыз эшли, бар хезмәт вәкилләре үз урыннарында, көтелмәгән хәлләр әлегә күзәтелми. Алга таба да күзәтелмәс, дип ышанам, дип белдерде ул.