Якты юл
  • Рус Тат
  • Көн үзәгендә рубрикасы буенча яңалыклар

    • 15 декабрь 2018 - 10:15
      Дәүләт ярдәме: мал асраган өчен нинди субсидияләр каралган?
      Кече, шәхси ярдәмче, крестьян-фермер хуҗалыкларын үстерүгә ярдәм итү мәсьәләсе республика күләмендә җитди тора. Әле күптән түгел ТР Дәүләт Советы Рәисе Фәрит Мөхәммәтшин, ТР авыл хужалыгы һәм азык-төлек министры Марат Әхмәтов катнашында республикакүләм семинарлар узды. Аларда халыкка терлек асрау буенча ярдәм итәргә кирәклеге ассызыкланды. Татарстанда бүгенге көндә фермерларга ярдәм итү өчен 20дән артык программа гамәлгә ашырыла. Республика бюджетыннан терлек асрау өчен технологик җиһазлар сатып алуга, юллар төзекләндерүгә, фермалар төзүгә, дәүләткә сөт сатуга һәм башка күп төрле очраклар өчен субсидияләр бирелә. Татарстанда шәхси ярдәмче хуҗалыкларга ярдәм итү турындагы закон эшли башлауга 3 ел. Быел гына шундый хуҗалыкларга ярдәм итү өчен республика бюджетыннан 548 миллион сум акча бүлеп бирелгән. 
      12
      0
      0
    • 14 декабрь 2018 - 11:00
      Изге кешеләргә алкышлар!
      Районда инвалидлар декадасы «Изгелек кыл» хәйрия марафоны белән тәмамланды. Физик мөмкинлекләре чикле кешеләр hәрчак кайгыртуга һәм җәмгыять тарафыннан игътибарга мохтаҗ. Кешеләр еш кына үз җилкәләренә авырлык төшкәч кенә аларның хәлен аңлый. Ә бит инвалидларга никадәр игътибар, ярдәм, акчалата чыгымнар кирәк! Дөрес, алар дәүләт кайгыртуын тоеп яши, тик, кызганычка каршы, бу гына җитми. Быел инвалидлар декадасы барышында Тукай районы башлыгы Фаил Камаев райондашларга авыр хәлдә калган кешеләргә ярдәм фонды оештыру турында фикерен җиткерде. Бәхеткә, бу башлангычны хуплаучылар күп булды.  Безнең район җирлегендә 2921 инвалид яши, шуларның 160ы сабыйлар. «Энергетик» мәдәният йортында узган марафонда бик күп кешеләрдән: «Без ярдәм итмәсәк, тагын кем?!» дигән сүзләр еш яңгырады. Районның инвалидлар җәмгыяте каршындагы ярдәм фондына бу көнне 2 127 607сум акча тупланды. Әлеге сумманың тиененә кадәр авыр тормыш сынавы кичерүче якташларыбызның хәлен җиңеләйтүгә тотылачак. 
      84
      0
      0
    • 12 декабрь 2018 - 11:00
      Районыбыз – хәйрия марафонында 
      Тукай районында инвалидлар декадасы зур акция белән тәмамлана. «Энергетик» мәдәният йортында инвалидларга ярдәм фондына акча җыю буенча «Изгелек кыл» хәйрия марафоны уза.
      154
      0
      1
    • 7 декабрь 2018 - 11:05
      Фаил Камаев:  «Сез күп итеп мал гына асрагыз һәм рәхәтен күрегез!»
      Авыл җирлекләренең эшчәнлеген бәяләү буенча комиссия Боерган авылында булды. Анда район башлыгы Фаил Камаев, аның урынбасары Рөстәм Закиров, башкарма комитет җитәкчесе Ленар Авзалов һәм барлык җирлек башлыклары катнашты. 
      218
      0
      0
    • 1 декабрь 2018 - 11:05
      3 декабрьгә кадәр салымнарны түләгез
      Транспорт, җир, милек салымнарын вакытында түләргә санаулы көннәр калды. Кызганычка каршы, авыл җирлекләренең бюджетын тәэмин итүче бу салымнар Тукай районында 50 процент кына җыелган. Районның финанс-бюджет палатасы белгечләре суд приставлары белән берлектә Шилнәбаш авылына барып 2016 ел өчен бурычлыларны эзләде.
      162
      0
      0
    • 30 ноябрь 2018 - 10:55
      Авыл җирлекләрен – «энә күзеннән»
      Районда авыл җирлекләре эшчәнлеген бәяләү стандартлары булдырыла. Алар авыл халкы яшәешенең күрсәткече дә булып тора. Әлеге стандартлардан чыгып, авыл җирлекләренең рейтингы да төзеләчәк. Бәяләү критерийларына килгәндә, алар түбәндәгечә: документларның тәртиптә булуы, үзара салым хисабына башкарылган эшләр, юллар, зиратлар, социаль-мәдәни объектлар торышы, салым түләнеше, халыкның эш белән тәэмин ителеше. Игътибар үзәгендә – шәхси ярдәмчел хуҗалыклар перспективасы. Бәяләү системасын кертү буенча беренче семинар Иштирәк авыл җирлегендә узды.
      196
      0
      0
    • 28 ноябрь 2018 - 11:00
      Районда бала хокуклары ничек яклана?
      Җомга көнне районга республикада балалар хокуклары буенча вәкаләтле вәкил Гүзәл Удачина килде. Ул Татарстан прокуроры урынбасары Юлия Наумова, ТР мәгариф һәм фән министры урынбасары Алсу Әсәдуллина һәм балигъ булмаганнар эше һәм аларның хокукларын яклау буенча республика комиссиясенең җаваплы сәркатибе Илсөяр Гарифуллина белән берлектә район хакимияте бинасында халыкны кабул итте, районның ике мәктәбендәге шартлар белән танышты. Эшлекле сәфәр балигъ булмаганнар эше һәм аларның хокукларын яклау буенча район комиссиясенең киңәйтелгән утырышы белән тәмамланды.
      147
      0
      0
    • 24 ноябрь 2018 - 11:05
      Экология культурасына өйрәник
      Кичә Иске Дөреш мәктәбендә экология белеме hәм мәктәп укучыларын каты-көнкүреш калдыкларын аерым җыярга өйрәтү буенча мәгариф конференциясе узды.Анда яшь буынны аерым чүп-чарны җыю турында сөйләштеләр.
      148
      0
      1
    • 23 ноябрь 2018 - 10:40
      Эш башлаучы кооперативларга дәүләт ярдәм итәчәк
      Тукай районы хакимиятендә авыл эшмәкәрлеген үстерү темасына ачыктан-ачык сөйләшү узды. «Алгарышлы» сессиядә республиканың 14 районыннан авыл хуҗалыгы һәм азык-төлек идарәсе белгечләре, сәүдә итү, җәмәгать туклануы өлкәсе, крестьян-фермер, шәхси ярдәмче хуҗалык вәкилләре катнашты. Суз республикада куллану кооперативлары оештыруның мөмкинлекләре турында барды. 
      132
      0
      0
    • 21 ноябрь 2018 - 10:25
      Иштирәк авылында заманча күпфункцияле үзәк
      Иштирәк авылында зур вакыйга – күпфункцияле үзәк файдалануга тапшырылды. Мөһим социаль объект ачылу тантанасында ТР мәгариф һәм фән министры Рафис Борһанов катнашты.
      181
      0
      0
    • 17 ноябрь 2018 - 12:10
      Участок вәкаләтлеләре көне
      17 ноябрь көнне халык иминлеге сагында торучы полиция участок вәкаләтлеләре hөнәри бәйрәмнәрен билгеләп үтә. Бу елны әлеге хезмәт оешуга 95 ел тула. Бәйрәм уңаеннан без полиция участок уполномоченныйлары һәм балигъ булмаганнар эшләре буенча бүлек башлыгы, полиция подполковнигы Илназ Байдуганов белән әңгәмә кордык.
      120
      0
      0
    • 16 ноябрь 2018 - 11:25
      Ярминкәләр дәвам итә
      Алдагы ял көннәрендә дә Яр Чаллы шәһәренең «Төзүчеләр» стадионы алдындагы мәйданда авыл хуҗалыгы ярминкәсе узачак. Әйтергә кирәк, ярминкәләргә халыкның ихтыяҗы зур, монда кышка җитәрлек азык-төлек запасы алып була. Бу атнада Татарстан кулланучылар Җәмгыяте предприятиеләре сәүдә итәчәк. Узган ялларда безнең хәбәрчебез сәүдә барышын күзәтте. Иртәнге сәгать тугыздан, һава торышының шактый салкын булуына карамастан, продукция сатып алырга чират торучылар шактый. Иң мөһиме – товарларга кытлык юк.
      161
      0
      0
    • 14 ноябрь 2018 - 11:00
      Автобуска элеккеге кебек резин итек киеп түгел, туфлидән чыгабыз хәзер
      Үзара салым җыю районда биш ел рәттән дәвам итә. Билгеле булганча, һәр авыл җирлеге үзара салымның күпме суммада җыярга икәнен авыл җыеннарында хәл итә һәм аны нинди максатларга тотарга икәнен дә уртак сөйләшәләр. Тиздән, 18 ноябрьдә, халык шушы акчаны тапшырыргамы яки юкмы икәнен хәл итә, ягъни үз тавышын бирә. Ил төкерсә, күл була, дип юкка әйтми халык. Җыелган акчаның 1 сумына дәүләттән тагын 4 сум өстәлүе дә кесәгә олы файда дигән сүз. 
      135
      0
      0
    • 10 ноябрь 2018 - 11:05
      Оператив-хезмәт эшчәнлеге нәтиҗәләре буенча район Эчке эшләр бүлеге беренче урында
      10 ноябрь көнне Эчке эшләр бүлеге хезмәткәрләре hөнәри бәйрәмнәрен билгеләп үтә. Бәйрәм уңаеннан без һәр ел саен Эчке эшләр министрлыгының район бүлеге җитәкчесе, полиция подполковнигы Марат Ваһапов белән очрашабыз. Бу елны да традиция буенча без аның белән әңгәмә кордык, актуаль сорауларга җаваплар алдык. 
      162
      0
      0
    • 9 ноябрь 2018 - 10:55
      Үзара салым – үзебез өчен
      Билгеле булганча, 18 ноябрь көнне районның авыл җирлекләрендә үзара салым җыю буенча референдум узачак. Авыл халкының үзара салым акчасы нәтиҗәсендә юллы булулары, зиратларны төзекләндерүләре, урамнарның яктыртылуы, суүткәргечләрнең яңартылуы һәм башка шундый күләмле эшләр башкарылуы турында сөенеп сөйләгәннәрен еш ишетәбез. Димәк, үзара салым җыюга халык акрынлап ияләшә бара дигән сүз.
      169
      0
      1
    Реклама