Тукай районында зыян күрүчене дәвалау өчен тотылган акча хөкем ителүчедән кайтартыла

Район прокуратурасы җинаятьтә зыян күрүчене дәвалау өчен Мәҗбүри медицина иминияте фондыннан тотылган акчаны хөкем ителүчедән түләтү турындагы законның үтәлешен тикшерә. Күптән түгел шундый 43 мең сум акчаны фондка кайтаруны сорап, прокуратура җәмәгать судына дәгъва гаризасы җибәрде. Әкрәмов фамилияле тукайлы район судының узган елның 1 августында кабул ителгән карары нигезендә гаепле дип табылган, ул кеше сәламәтлегенә белә торып зыян китергән. Авыр тән җәрәхәтләре алган зыян күрүче Яр Чаллының ашыгыч ярдәм күрсәтү больницасында дәваланган. Мәҗбүри медицина иминияте фондыннан моның өчен 43 мең сум күләмендә акча бүленгән. Прокуратура дәгъвасыннан соң җәмәгать судьясы бу акчаны хөкүм ителүчедән тулысынча түләтергә дигән карар чыгарды.