Татарстанда атна башында автомобиль ягулыгына бәяләр кабат үзгәргән. Татарстанстат мәгълүматлары буенча, 24-31 август аралыгында АИ-92 маркалы бензин 0,8 процентка, ә дизель ягулыгы 0,7 процентка кыйммәтләнгән.
Хәзер АИ-92нең бер литры уртача 68,11 сум тора. Дизель ягулыгының бәясе литрына 80,81 сумга җиткән. Бензинның башка киң таралган маркаларының бәясе бер атна эчендә үзгәрешсез калган. АИ-95нең бер литры 73,81 сум, АИ-98неке 98,07 сум тәшкил итә.
Узган елның декабре белән чагыштырганда, бәяләрнең үсеше тагын да сизелерлек. Иң зур арту АИ-95 бензинында теркәлгән — аның бәясе 16,95 процентка күтәрелгән. АИ-92 16,48 процентка, АИ-98 13,75 процентка кыйммәтләнгән. Дизель ягулыгы исә ел башыннан 11,62 процентка арткан.
Шулай итеп, соңгы атнада Татарстанда бензинның АИ-92 маркасы һәм дизель ягулыгы кыйммәтләнгән, ә АИ-95 һәм АИ-98 бәяләре элеккечә калган.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев