Тукайлылар республика беренчелегендә яхшы нәтиҗәләргә ирештеләр

Районның җыелма командасы ирекле көрәш буенча Мамадыш шәһәрендә үткән республика беренчелегендә катнашты. Команда составында Биклән, Бәтке, Кече Шилнә авылларыннан, Круглое Поле, «Татарстан» совхозы поселокларыннан 2000-2002 елгы 15 егет һәм кыз бар иде. Республика шәһәр һәм районнарыннан килгән 200ләп катнашучы арасында безнең үсмерләр яхшы нәтиҗәләр күрсәтте. Круглое Поледан Милана Сәлахова үз яшь категориясендә - икенче, Валерия Кожевникова - өченче, Бикләннән Илназ Рамазанов икенче урыннарны алдылар, дип хәбәр итә тренер Рафаэль Гыйззәтуллин.