Кызлар күбрәк туа

Тукай муниципаль районы башкарма комитеты гражданлык хәлләрен теркәү бүлеге мәгълүматларына караганда, агымдагы елның март аенда барлыгы 50 бала дөньяга килгән. Шуларның 24е малай булса, 26сы - кыз. Ел башыннан исә Тукай районында 105 бала туган.

Март аенда игезәкләр тууы да теркәлгән. Аларга әти-әнисе - Йосыф һәм Йолдыз дип исем биргән.

Сирәк очрый торган исемнәргә килгәндә, бу айда тукайлылар яңа туган сабыйларына Риана, Лениза, Сәйдә, Язилә, Стефания, Имран, Искәндәр һәм башка исемнәр кушкан.