Инвалидлар декадасы

admin, 23 ноябрь 2018 - 10:10

1201

Инвалидлар декадасы якынлаша. Тукай районы авыл җирлекләрендә инвалидларга хөрмәт күрсәтү буенча тематик чаралар узачак. «Син үзең генә түгел», «Сәламәтлек көне», «Матурлык көне», «Хокукый ярдәм күрсәтү көне» кебек акцияләр оештырыла.

Бүген районда 2921 инвалид яши. Район башлыгы Фаил Камаев декада кыссаларында сәламәтлеге чикле һәр кешегә игътибар күрсәтергә чакырды. Аларның һәркайсы дәүләт тарафыннан гарантияле ярдәм ала. Әлеге чаралар жәмгыятьне үзләренең тормыш ихтыяҗларын үти алмаучыларга йөз белән борылырга ярдәм итәргә тиеш.