Ильбухтино авылы туган көнен билгеләп үтә

6 август көнне Ильбухтино авылы кешеләре зур бәйрәмгә җыела һәм үзләренә кунакка район, шәһәр халкын да чакыра. Авылның оешуына 7 август көнне нәкъ 367 ел була, шушы датаны авыл бәйрәмендә зурлап үткәрергә булдык, дип хәбәр итте безгә авыл җирлеге депутаты Антон Комлев.

Бәйрәм чарасы Ильбухтино авылы клубында 13.00 сәгатьтә башлана. Тукай районы, Чаллы шәһәре артистлары һәм кунаклар катнашында концерт булачак. Бәйрәмгә зур кунаклар да чакырулы. Авыл халкы, чараны оештыручылар һәр тамашачыга матур тамаша, күңелле ял вәгъдә итә.