«Балкыш» сәламәтләндерү лагерында чын-чынлап бәйрәм рухы хөкем сөрде – биредә Россия көнен киң колач белән билгеләп үттеләр!
«Беренчеләр хәрәкәте» сменасындагы балалар иҗади номерлар, күңелле уеннар һәм үзләре уйлап тапкан дәртле флешмоб әзерләделәр. Һәр отряд вожатыйлар белән бергә, тамашачыларга энергия һәм яхшы кәеф биреп, үз чыгышларын тәкъдим итте.
Бәйрәм гаиләдәгечә җылы булды: балаларга ярдәм итәргә әти-әниләре һәм туганнары килде. Котлау сүзе белән Башкарма комитеты җитәкчесе Камил Нәҗмиев чыгыш ясады. Ул билгеләп үткәнчә, «Балкыш» – ял итү урыны гына түгел, ә балалар дус булырга өйрәнә, үсә һәм үзләрендә чын патриотлык тәрбияли торган киңлек.
Көн чәй өстәле артында күңелле аралашу белән тәмамланды – бәйрәмдә катнашучылар тәэсирләре белән уртаклаштылар, бергәләп көлделәр һәм шатландылар.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев