15 март 2022 яңалыклары

• 15 март 2022

  Наркотикларга каршы көрәш

  Районда наркотикларга каршы көрәш максатыннан «Сообщи, где торгуют смертью!» дип аталган бөтенроссия акциясе старт алды. Аның беренче этабы 14 мартта башланды һәм 25 мартка кадәр дәвам итәчәк. Акция наркотикларның законсыз әйләнешенә каршы тору, медицина юнәлешендә кулланмау очракларын ачыклау, наркотикларга бәйле гражданнарны дәвалауда ярдәм итү, наркотик матдәләр сату каналларын ябу, бу юнәлештә эшләүче интернет-сайтларны ачыклау, балигъ булмаганнарны әлеге кырын эшкә тартучыларны ачыклау максатларын күздә тота. 

• 15 март 2022

  Иң көчлеләр, җитезләр авылларда яши

  Районда сәламәт тормыш алып баруга зур игътибар бирелә. Бигрәк тә яшьләребезнең спортны һәм физкультураны яратулары, үз итүләре сөендерә. Күп төрле ярышлар булып торуы да, анда ирешкән нәтиҗәләрнең яхшыра баруы да бу хакта сөйли. Җирлектә чираттагы спорт чарасы – авыл җирлекләре, оешма-предприятиеләр командалары арасында IV спартикиада уздырылды.

  
• 15 март 2022

  Районда – Казан онкологлары 

  Республика клиник онкология диспансерының Казанда һәм Чаллы филиалында эшләүче табиб-онкологлары район дәваханәсенә узган шимбәдә килде. Ул көнне кабинетлар янындагы урыннар, коридорлар халык белән шыгрым тулды. Табиблар барлыгы 100дән артык кешене карады. 

  
• 15 март 2022

  Авыл эшмәкәрләре җыены узачак

  Бөтендөнья татар конгрессы Х бөтенроссия татар авыллары эшмәкәрләре җыенын уздыра. Чарага илнең кырык төбәгеннән һәм Татарстаннан 500 кече бизнес вәкилләре һәм фермерлар җыелачак. Анда якташларыбыз Тукай районы вәкилләре дә катнашачак. 

• 15 март 2022

  Бәяләр арта тора

  Татарстанстат хәбәр иткәнчә, кишер бәясе нык арткан, бер килограмм кишер 40,05 сумнан 42,56 сумга кадәр җиткән.

• 15 март 2022

  Мәҗбүри вакцинация гамәлдән чыкты

  Республиканың баш дәүләт санитар табибы Марина Патяшина гражданнарның аерым категорияләре өчен Covid-19га каршы мәҗбүри вакцинация үткәрү таләбе үз көчен югалткан дип тану турында карар кабул итте.

• 15 март 2022

  Яңа мәктәпне төзи башладылар

  Шилнәбаш авылында 100 балага исәпләнгән мәктәп төзелә башлады. Төгәлрәк әйткәндә, бүген аның нигезен хәзерләү бара. Яңа мәктәп «Мәгариф» милли проекты кысаларында салына. Проектның бәясе 63 млн сум. Мәктәпне быелның 1 сентябренә файдалануга тапшырырга тиешләр.

• 15 март 2022

  Министр борчылмаска кушты

  ТР Премьер-министры урынбасары – авыл хуҗалыгы һәм азык-төлек министры Марат Җаббаров районга эшлекле сәфәр барышында журналистларның шикәр һәм онның сатуда бетүенә кагылышлы сорауга болай дип җавап бирде.