Тукай районында 44 яшьлек җәяүле хатын-кызны бәрдерделәр

5 гыйнвар көнне Яр Чаллы - Сарман трассасының 7нче километрында кичке сәгать 5нче яртыда "Хундай Елантра" машинасы 44 яшьлек хатын-кызны бәрдерде. Алынган җәрәхәтләреннән җәяүле фаҗига урынында ук җан бирә. Теләнче Тамак авылында теркәлгән, Зәй районының Дүртмунча авылында яшәгән әлеге хатын-кызның ни өчен Суровка авылы тирәсендә йөрүе билгеле түгел, туганнары белән дә элемтәдә тормаган. Бәхетсезлегенә каршы, җәяүле йөртүчегә ерактан күренерлек булмаган, киемнәрендә яктылык кайтаручы элементлар да булмаган, дип хәбәр итәләр район буенча ЮХИДИ бүлегеннән.