Штрафларын вакытында түләмәүчеләрне ачыклыйлар

РФнең Административ хокук бозулар турындагы кодексының 32.2 маддәсе нигезендә, юл йөрү кагыйдәсен бозган машина йөртүчеләргә штрафларын түләргә беркетмә төзелгәннән соң 30 көн вакыт бирелә. Карар белән килешмәгән очракта шикаять бирү өчен кодексның 30.3 маддәсе буенча тагын 10 көн өстәлә. Штрафларын вакытында түләмәүчеләрне ачыклау максатыннан ЮХИДИнең район бүлеге хезмәткәрләре һәм участок вәкаләтлеләре тарафыннан 11 февральдән 18енә кадәр профилактик чара үткәрелә. Административ хокук бозулар турындагы кодекс таләпләрен санга сукмаган машина йөртүчеләргә түләргә тиешле сумманы ике мәртәбә арттырып, ләкин 1000 сумнан да ким булмаган күләмдә штраф салына яки хокук бозучы 15 тәүлеккә кадәр кулга алына.