Тукай районында май бәйрәмнәре кайбер юлчылар өчен һәлакәтләрдән башланды

автор, 7 май 2015 - 06:33

835

Май бәйрәмнәрендә район юлларында кеше сәламәтлегенә зыян китергән өч һәлакәт теркәлде. 30 апрельдә көндезге сәгать 11 тулганда «Мицубиси лансер» автомобиленә утырган 78 яшьлек пенсионер ир-ат ярамаган урында каршы юнәлештәге полосага чыгып «КАМАЗ» машинасына бәрелә. Нәтиҗәдә төрле җәрәхәтләр алган пенсионер һәм аның 77 яшьлек пассажиры больницага озатылалар. Шул ук көнне кичке...

Шул ук көнне кичке сәгать алты тулганда Олы Шилнә авылында «ВАЗ 211440» машинасын йөртүче 33 яшьлек ир-ат тизлек режимын сакламыйча каршыга килүче «Шкода Октавия»гә бәрелә һәм аннары юл кырыена чыгып әйләнә. Шактый җәрәхәтләр алса да, гаепле йөртүче больницага ятудан баш тарта.

1 майда кичке сәгать бишенче яртыда Мәскәү - Уфа трассасының 1071нче километрында шулай ук тизлек режимын сакламаган «Лада Гранта» машинасы каршы полосага чыгып «Мерседес Бенц Спринтер» автомобиленә бәрелә. Нәтиҗәдә ике машинаның да йөртүчеләре һәм «Мерседес Бенц Спринтер» автобусындагы өч пассажир тән җәрәхәтләре ала.