«Яңарыш» фондының административ Советы рәисе Юрий Камалтынов Тукай районы активы белән очрашты

Чара район хакимиятенең утырышлар залында узды. Билгеле булганча, тарихи һәйкәлләрне торгызу «Яңарыш» фонды аша башкарыла. Исегезгә төшереп үтәбез: күптән түгел Болгар Ислам Академиясе төзү һәм Казан Мәрьям-Ана Иконасы Соборын торгызу турында Татарстан Президенты Рөстәм Миңнехановның Указы кабул ителде. Әлбәттә, дәүләт әлеге эшләрдә катнашачак, әмма халык һәм хәйриячеләр ярдәменнән башка булмый. Шуны истә тотып, Юрий Камалтынов районда яшәүчеләрне изге эшкә кушылырга чакырды. Барлык теләүчеләр ирекле башлангычларда Ислам Академиясе төзү яки храм торгызуга ачылган махсус счетларга акча күчерә ала.