Ветераннар фатир сайлый

Районның 24 сугыш толы һәм ветераны куанычлы хәбәр алды. Федераль казнадан ветераннарны фатирлы итү өчен бүленгән чираттагы акчалар килгән, фатир сайларга кирәк. Районыбыз ветераннары фатирларны шәһәрдән ала. Моңа кадәр икенчел торакка өстенлек бирелсә, бу юлы 23 ветеран фатирларны социаль ипотека программасы аркылы алырга теләк белдерде, диде безгә район социаль яклау идарәсе башлыгы Гөлнара Шәфыйкова. Районда 409 ветеран торак алган, хәзер тагын 24е фатирлы булырга тиеш, чиратта - 7 кеше.