Тукай районының пассажир йөртүчеләре бүләкләнде

Хакимияттә үткән атналык киңәшмәдә район пассажирлар йөртү ассоциациясе башкарма директоры Равил Төхбәтуллин оешманың узган елгы эшчәнлегенә нәтиҗә ясады. Аның чыгышы тәмамлангач, ассоциация составында эшләүче шәхси эшмәкәрләргә район хакимияте башлыгының рәхмәт хатлары тапшырылды.

Дәрәҗәле бүләкләргә Яр Чаллы - Круглое Поле һәм Яр Чаллы - Нефтебаза маршрутлары буенча эшләүче Раушан Тимергалин,

шәһәрдән Иске Җирекле, Мусзавод юнәлешләрендә йөрүче Назыйм Вәлиуллин,

Боерган маршруты буенча хәрәкәт итүче Эдуард Айдаров,

Комсомолец һәм Теләнче Тамак маршрутлары буенча хезмәт күрсәтүче Ринат Габдрахманов лаек булдылар.