Төнлә Күгәштә фермерның мал сарае янган

Бүген төнге сәгать 3 һәм 4нче яртылар тирәсендә Күгәштә ат үрчетүче фермер Вахит Тәхәвиевның шәхси территориясендәге мал сараенда янгын чыккан. Корылмага ут капканын хуҗа үзе күреп бу хакта янгын сүндерүчеләргә хәбәр иткән. Күгәшкә шунда ук Хуҗамәт авылыннан һәм Чаллы шәһәреннән барлыгы өч янгын сүндерү машинасында янгын сүндерүчеләр килеп, сарай эченнән башланган һәм түбәгә күчәргә җитешкән ялкынны сүндерүгә керешкәннәр. Янгын урынына булган күзәтчелек эшчәнлегенең район бүлеге баш белгече Илнар Мифтахов әйтүенчә, янгын иске электр чыбыгыннан чыккан.