Якты юл

Тукай районы

Рус Тат
Яңалыклар

Сайлауга илебезнең тыныч булуын теләп килдек, диләр теләнчетамаклылар

Теләнче Тамак авылы урта мәктәбендә урнашкан 2664нче сайлау участогына иртәнге сәгать тугызынчы яртыга 120дән артык кеше килгән иде инде. Мәктәп капкасыннан кергәндә үк үзгә бер җанлылык хөкем сөрә иде. Сайлау комиссиясе рәисе Дәйсирә Харисованың әйтүенчә, сайлаучылар участок ачылганчы, сәгать җидегә кадәр үк килә башлаганнар. Беренче булып пенсионер, больницада шәфкать туташы...

Теләнче Тамак авылы урта мәктәбендә урнашкан 2664нче сайлау участогына иртәнге сәгать тугызынчы яртыга 120дән артык кеше килгән иде инде. Мәктәп капкасыннан кергәндә үк үзгә бер җанлылык хөкем сөрә иде. Сайлау комиссиясе рәисе Дәйсирә Харисованың әйтүенчә, сайлаучылар участок ачылганчы, сәгать җидегә кадәр үк килә башлаганнар. Беренче булып пенсионер, больницада шәфкать туташы булып эшләп чыккан Нәсимә Сәгъдиева сайлаган. Авылда тәүге сайлаучы буларак, аңа күчтәнәчкә чәй биргәннәр.

Керешли үк хезмәт ветераны, атказанган механизатор, өченче дәрәҗә Дан ордены кавалеры, хәзерге вакытта пенсиядәге Мөдәррис абый Лотфуллин белән сөйләшеп алдык. «Сайлауга тормышыбыз яхшы, елларыбыз имин булсын дигән теләк белән килдек. Без өлкәннәрне бүген иң борчыганы - медицина үтемле булсын, бу өлкәдә инвалидларга игътибар югалмасын иде», - диде ул. «Сайлауга урында яткан җиремнән торып килдем. Бер кампанияне дә калдырганым юк», - ди Ләйсән Ханнанова. Яшь әни Раушания Яруллина яшь гаиләләргә торак алу, ипотека программалары үтемле булсын, ана капиталы программасы дәвам итсен дип тели. «Аллага шөкер, начар яшәмибез, хәл итәсе мәсьәләләр дә бар инде ул. Сайланган Президент үзе дә безнең якларга килеп чыкса, ничек яшәгәнебезне үз күзләре белән күреп китсә бик яхшы булыр иде», - дигән фикерне җиткерәләр теләнчетамаклылар.
2664нче участокта 10 округ, шулай булгач биредән авыл җирлегенә 10 депутат сайланачак. Теләнче Тамаклар белән бу участокта Хуҗи халкы да тавыш бирә. Ә Таулык, Останково һәм Казаклар авылларында яшәүчеләр Таулыктагы 2665нче участокта сайлый.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев