Салым инспекциясендә ачык ишекләр көне

10 һәм 11 ноябрьләрдә барлык салым органнарында бөтенроссия Ачык ишекләр көне үткәреләчәк. 10 ноябрьдә кабул итү вакыты 9дан 18гә, 11 ноябрьдә 10нан 15кә кадәр эшли. Тукайлылар үз сораулары белән Яр Чаллының ЗЯБ бистәсе, Тимерьюлчылар тыкрыгы, 17 йорт адресы буенча урнашкан салым инспекциясенә мөрәҗәгать итә алалар.

Милек һәм транспорт салымы түләү, аларны нинди срокларда башкару, кемнәргә ташламалар каралган - райондашлар белгечләргә шундый һәм үзләрен борчыган башка сорауларны бирә алалар. Теләүчеләр ул көннәрдә салым түләүченең шәхси кабинетын да ачтыра алачак. Бары тик үзең белән шәхесеңне раслаучы документың булырга тиеш.