Сабантуйга бүләк җыябыз

Узган ел коронавирус пандемиясе аркасында милли бәйрәмебез үткәрелмәгәч, райондашлар быелгы Сабантуйга тагын да сагынып килә. Авылларда көне килеп җиткәнне көтмичә, бу матур йолага алдан ук тотындылар. Бүләк җыю җирлекләрдә чын бәйрәм төсен алды. Безнең социаль челтәрләргә Биклән, Әҗмәкәй, Куады авылларыннан бик матур фотолар һәм видеоязмалар килде. Хәбәр иткәнебезчә, район Сабантуе быел 13 июньдә Кызыл Байрак авылы янындагы аланда уза, авыл Сабантуйлары исә 12 июньгә планлаштырыла.

/ Рәфкать Билданов фотосы.