Район судында яңа федераль судья билгеләнде

РФ Президенты Владимир Путинның 2 январьда кабул ителгән Указы нигезендә федераль судьялар билгеләнде. Тукай районы судында да үзгәрешләр булды. Моңа кадәр эшләгән федераль судьяларның берсе - Саҗидә Камалова отставкага китте һәм аның урынына Ралиф Гайфуллин билгеләнде. Ул үз вазифасына 15 январьдан керешәчәк. Ралиф Рафис улы Азнакай районының Тымытык авылында туган. Хокук органнарында ул Яр Чаллыда юристконсульт, Мөслим һәм Тукай районы прокуратураларында тикшерүче, прокурор ярдәмчесе, прокурор урынбасары, Алабуга шәһәр судында судья булып эшләгән.