Әлмәттә укучы баланы эт тешләгән

Бу хакта баланың әнисе "Халык контроле"нә язган.

Әлмәттә 3 нче мәктәп янында бер малайга хуҗасыз этләр ташланган.

Бу хакта баланың әнисе "Халык контроле"нә язган.

- Бер ай инде балалар мәктәпкә йөрергә курка. 3 нче мәктәп янында аларга этләр ташлана. Олы улымны эт тешләде. Кечкенәсе кибеттән кайтканда Герцен урамында этләр ташланган. Ул кулындагы пакеты белән алардан котылмакчы булган. Әмма этләр аның пакетына ябышканнар. Бала нык курыккан, - дип яза автор.

Районның авыл җирлекләрендә дә шундый ук хәл күзәтелә икән. Инстаграмда Ямашида яшәүчеләр дә этләр өереннән зарланган язма урнаштырган.