Кырымга барасың килсә, хат яз

«Артек» халыкара балалар үзәге һәм Россия почтасы беренче ачык балалар хатлары бәйгесен игълан итә. Җиңүчеләргә «Артек» лагеренә путевка бүләк итәчәкләр.

Бәйгедә 10 яшьтән алып 16 яшькә кадәр булган балалар катнаша ала. Моның өчен «Мин «Артек»ка барырга телим» темасына хат язып, 18 апрельгә кадәр халыкара балалар үзәгенә җибәрергә кирәк. Конкурска нәтиҗәләр «Артек»ның туган көнендә - 16 июньдә ясалачак.

Узган елның август аенда Россия почтасы һәм Кырым почтасы күзәтчелеге астында «Артек» халыкара балалар үзәгендә «Артек почтасы» дигән үсеш үзәге ачылган.

«Мин «Артек»ка барырга телим» бәйгесенә кулдан язган хатлар кабул ителә. Хатны 298645, Республика Крым, пгт. Гурзуф, Международный детский центр «Артек», «Почта Артека» адресы буенча, конкурс письма «Я хочу в «Артек» дип язып җибәрергә кирәк. Хат заказлы, белдерү кагәзе белән булырга тиеш.

Конкурсның тулы кагыйдәләре «Артек» халыкара балалар үзәге сайтында www.artek.org урнаштырылган.