Котлау, игъланнарны алдан бирергә кирәк

Бәйрәм көннәрендә газетаның чыгу тәртибендә үзгәрешләр бар. Котлау, игъланнарыгызны редакциягә алданрак тапшыру мәслихәт. 2015 елның соңгы саны 30 декабрьдә чыгачак. Яңа 2016 елның беренче саны 13 гыйнварда гына дөнья күрәчәк. Бу - бәйрәм көннәрдә эшләгән өчен почта һәм типография чыгымнарының югары булуы белән бәйле. Әмма без бу көннәр эчендә сезнең белән газетаның интернет челтәрендәге сайтында һәм «ВКонтакте» социаль челтәрендә элемтәдә булачакбыз. Яңа елны ничек каршыладыз, урындагы вакыйгалар буенча хәбәрләр, фоторәсемнәр көтәбез. Авылга кайткан оныклар, әби-бабаларыгызны да компьютерлар янына чакырыгыз, өлкәннәр тормышындагы вакыйгаларны да электрон адресыбызга җибәрегез.