Тукай районының Комсомолец поселогында йорт янган

Кичә көндезге 14 сәгать 11 минутта Комсомолец поселогының, Лесная урамындагы 23 йортта янгын чыккан. Бәхеткә, бу вакытта хуҗалар йортта булмаган. Аларны шул саклап калгандыр да. Ут агачтан эшләнгән йортны тиз арада ялмап ала һәм ул кыска гына вакыт эчендә янып та бетә. Янгын көчле булып, янгын сүндерүчеләрнең тырышлыгы белән ул якын-тирәдәге башка корылмаларга зыян китерми. Хәзерге вакытта әлеге очракның килеп чыгу сәбәпләре ачыклана. Янгын сүндерүчеләр исә: "Ут йорттагы төзек булмаган көнкүреш электр җиһазларыннан килеп чыккан булырга тиеш," - дигән фикердә торалар.