Калмиядан матурлык яратучы Рәмзия әби (фото)

Калмия авылында яшәүче Галиулла кызы Нуруллина Минзәлә районы Калмия авылында 1935 елныӊ 5 январь аенда икенче бала булып дөньяга килә (гаиләдә 4 бала булалар). Әтисе Галиулла сугыш башлангач та китә һәм 1943 елда үлеп кала. Рәмзия апа туйганчы «әти» сүзен дә әйтә алмый кала.

Рәмзия апа гомер буе колхозда: тана карый, сыер сава, яшелчәлектә эшли (колхозныӊ зур яшелчә, җиләк-җимеш бакчасы була). Калмия авылы егете Сәетнәсимгә кияүгә чыга, 5 бала табып үстерәләр. Гомер буе колхоз эшендә эшләсәләр дә, аларныӊ өе һәрвакыт балкып тора, кайчан керсәӊ дә җыйнак, пөхтә. Олы яшьтә булуга карамастан, узенеӊ бакчасында төрле-төрле чәчәкләр үстерә, аларныӊ күптөрлелеге таӊ калдыра.

«Башка кешеләр кишер-чөгендер утырта, ә сез чәчкәгә күмгәнсез,» - дип сорагач, «Матур чәчкәләр яратам бит, башка яшелчәләр безнеӊ олы бакчада» - дип җавап бирде Рәмзия апа

.

Аӊа исәнлек-саулык, озын гомер телибез. Шулай матур күркәм бакчалары гел сөендереп, башка хуҗалыкларга үрнәк булып торсын, дип яза Калмия авылыныӊ мәдәният йорты директоры Ләйсирә Сәхибҗанова.