Игътибардан калдырмыйк

Урын өстендә ятучы, бер дә хәрәкәт итә алмаучы, тумыштан сәламәтлекләре чикле, көтмәгәндә бәхетсезлеккә юлыгып сәламәтлекләрен югалтучы кешеләр җәмгыять тарафыннан игътибарга мохтаҗ.  Аларны тормыш сынаулары белән бергә-бер калдырасы түгел иде. Бу безнең иң зур бурычларның берсе.
Әйе, язмыш аларны рәңҗеткән, тик алар үз-үзләрендә көч табып яши. Аларга күп вакыт безнең ягымлы карашыбыз да җитә. 
Калмия авыл китапханәсе хезмәткәрләре балалар музыка мәктәбе коллективы белән берлектә физик яктан мөмкинлекләре чикләнгән 6 авылдашыбызда булдык. Китапханә исеменнән аларга кечкенә генә бүләкләр дә тапшырдык, яраткан китапларын, журналларын тәкьдим иттек. Ә балалар үзләре әзерләгән концерт номерларын бик үзенчәлекле итеп башкардылар. 

Энҗе ГАЛИӘХМӘТОВА, 
Калмия авылы китапханәсе мөдире.

Фото Энҗе Галиәхмәтовадан алынды.