Ел тәрбиячеләре

"Татарстан Республикасы ел тәрбиячесе - 2012" республика конкурсының муниципаль этабы тәмамланды. Анда мәктәпкәчә белем һәм тәрбия бирүче 15 учреждение катнашты. Конкурсның финал өлеше Яңа поселогының "Березка" балалар бакчасында үтте.

Мәләкәс авылының "Тамчыкай" балалар бакчасы музыкаль җитәкчесе Әлфия Шәйхразиева конкурсның призеры дип билгеләнде. Шилнәбашның "Тополек" балалар бакчасы тәрбиячесе Елена Заикина, Сосновый Борның "Кояшкай" балалар бакчасы музыкаль җитәкчесе Валентина Долгова җиңүчеләр булды. Иске Абдулның "Гөлчәчәк" балалар бакчасы тәрбиячесе Гөлчәчәк Ситдыйкова, Бәткенең "Аленушка" балалар бакчасы тәрбиячеләре Ольга Москвина һәм Инна Кирюхина конкурсның лауреатлары булды.