Биш катнашучының өчесе җиңүчеләр рәтендә

Районнан физик мөмкинлекләре чикләнгән биш кеше 13-15 ноябрь көннәрендә Биектау районында «Байтик» сәламәтләндерү лагеренда үткәрелгән кул көрәше республика чемпионатында катнашып кайтты. Әлеге спорт чарасында Күктәк Мирсәет авылыннан Рөстәм Идрисов 75 килограммга кадәр авырлыктагылар арасында чемпион исемен яулады, Күперледән Айгөл Фәттахова 60 килограммга кадәр авырлыктагы хатын-кызлар арасында беренче урынны алды, Татарстан поселогыннан Закария Баев үз үлчәү категориясендә өченче урынга лаек булды. Алар барысы да грамоталар, дипломнар белән бүләкләнде.