Комсомолец поселогы балалары квест-уенда катнашты

автор, 8 июль 2015 - 15:45

1032

Әдәбият елы уңаеннан Комсомолец поселогы мәдәният йортында «Әкият геройлары эзеннән» дип аталган квест-уен оештырылды. Балалар, командаларга бүленеп, әкиятләр дөньясына чумдылар. Чара квест формасында үтте. Аларга төрле шифрлар һәм табышмаклар чишәргә, төрле биремнәр үтәргә туры килде. Мәсәлән, «Поэзия станциясе»ндә алар дүрт юллык шигырьне язып бетерде, «Әкияти математика», «Әкияттән юллар», «Герой исемнәре»...

Чара квест формасында үтте. Аларга төрле шифрлар һәм табышмаклар чишәргә, төрле биремнәр үтәргә туры килде. Мәсәлән, «Поэзия станциясе»ндә алар дүрт юллык шигырьне язып бетерде,

«Әкияти математика», «Әкияттән юллар», «Герой исемнәре» станцияләре дә балалар өчен мавыктыргыч булды.

«Китаплар больницасы»нда уенда катнашучылар, китапханә мөдире Тамара Лобова белән бергәләп, китапларны ремонтладылар. Һәр бирем өчен балалар баллар-конфетлар алдылар, соңыннан аларны санадылар. Әлбәттә инде, уенда дуслык җиңде, дип яза мәдәният йорты директоры Анна Шәрифҗанова.