Бал ярминкәсе уза

18 августта, шимбә көнне, Яр Чаллының 56нчы комплексы артында Әхмәтшин урамы һәм Халыклар дуслыгы проспекты кисешкән урында урнашкан "Южный" агросәнәгать паркында бал ярминкәсе уза. Ул иртәнге 9да башланып, кичке 5кә кадәр дәвам итәчәк.

Районның крестьян-фермер хуҗалыклары, шәхси эшмәкәрләр үзләре җитештергән бал продуктларын ярминкәдә тәкъдим итә алалар. Сатучылардан урын өчен түләү алынмый, шулай ук транспорттан сәүдә итү дә рөхсәт ителә. Төгәлрәк мәгълүматны (8552) 30-55-12, 30-58-21, 30-58-24 телефоннары аша белергә була.