Ана капиталыннан 20 мең сум күләмендәге түләүне алып буламы?

«Ана (гаилә) капиталы акчаларыннан бер тапкыр бирелүче түләү турында»гы закон проектына Россия Федерациясе хөкүмәте белән ризалык бирелеп, РФ Дәүләт Думасы карарына тапшырды.

Шул рәвешле, мәгълүмат чараларында Пенсия фондына бүгеннән үк мөрәҗәгать итеп, ана капиталы акчасыннан 20 мең сум күләмендә бер тапкыр бирелүче түләүне алырга мөмкин дигән мәгълүмат дөреслеккә туры килми.

Әлеге закон гамәлгә кереп, РФ Хезмәт һәм социаль яклау министрлыгы тарафыннан расланганнан соң гына Пенсия фонды идарәсе түләү алу өчен гаризалар кабул итә башлаячак. Моңа кадәр гражданнарга түләүне алу тәртибе, моның өчен кирәкле документлар, вакыт кысалары турындагы мәгълүмат та җиткереләчәк, дип аңлаттылар пенсия фондында.