“Яңа ел бизәге” бәйгесендә “тере чыршы” катнаша (фото)

Теләнче Тамак авылының VIII төр коррекцион мәктәбендә тәрбияләнүче 3 нче сыйныф укучылары белән бүлмә бизәгәндә бик кызыклы очрак булды. Шуны фотога төшереп, "Яңа ел бизәге" конкурсына тәкъдим итәргә уйладык. Балалар бик мавыгып китеп, "тере чыршы" бизәгәннәр. Бу күренеш аларда бик уңай тәэсир калдырды, фотосурәткә төшерүне үзләре үк тәкъдим итте. Ә сезгә ошыймы? Якынлашып килүче маймыл елы белән сезне, дип котлый фотосурәтнең авторы Эльвера Гайфуллина.

Чыннан да, бик шаян, бик үзенчәлекле идея бу! Яңа ел алдыннан мондый чыршылар әле башка өйләрне дә бизәргә мөмкин. Без үз чиратыбызда шуны исегезгә төшерәбез, бәйгедә җиңү өчен язма ахырында фикер( комментарий) язарга кирәк. Бер уңайдан башка катнашучылар белән дә танышып чыгыгыз.