Теләнче Тамак авылының коррекция мәктәбендә тозлы камыр, кәгазь, җептән бәйрәм бизәкләре әзерләгәннәр

Теләнче Тамак авылының VIII төр коррекцион мәктәбендә тәрбияләнүче 4 нче сыйныф укучылары Яңа елга кул эшләре әзерләде. Кул эшләрен балалар тозлы камыр, кәгазь, җептән бәйләп эшләделәр. Укучыларның яратып эшләгән эшләрен сезгә дә тәкъдим итәбез, дип яза балаларны оештыручы Энҗе Фәхриева .

Бу мәктәптән килгән хатларда тукайлыларны, шул исәптән "Якты юл" газетасын да якынлашып килүче Яңа ел белән котлыйлар. Укыгач та бәйрәм кәефе өстәлде, ә хәзер аны сезгә дә таратабыз. "Яңа ел бизәге" бәйгесендә катнашучыларның бар эшләрен карап чыккач, һичшиксез, күңелегездә матур хисләр уяныр.

Бу язма ахырында укучыларның нинди эшләре, кайсы ягы белән ошаганын язарга мөмкин. Фикерләр саны буенча җиңүчене билгелиячәкбез. Уңышлар телибез!