Селфи конкурсында беренче катнашучы бар

Салават тиклем Салават концертына бушлай барырга теләүчеләр юкмы икәнни, дип шаккаткан идек, ниһаять, үзгәреш бар. "Якты юл" газетасы игълан иткән фотоконкурс башланды! Бәйге шартлары буенча катнашучылар үзенчәлекле селфи ясарга һәм иң күп тавыш җыярга тиеш. Җиңеп чыккан очракта бу катнашучыга Салават концертына билетлар тапшырачакбыз. Билетларга ия табылырга тора - редакциягә Иштирәктән хат килде. Иң өлгер, һәм мөгаен, иң бәхетле укучыбыз болай дип яза:

"Исәнмесез! Сезгә Иштирәк авылыннан Алия Закирова яза. Бәйгедә катнашыр өчен балаларым белән бергә төшкән сэлфины җибәрәм. Ирем белән Салават абыйның концертына барасы килэ иде".

Әгәр бәйгедә башка катнашучылар, ягъни Алиянең көндәшләре табылса, тавыш бирү юлы белән җиңүчене билгелиячәкбез. Исегезгә төшерәбез, тавыш бирү иртәгә, 26 февраль, көндезге 12 гә кадәр дәвам итәчәк.

Селфи бәйгесендә катнашу өчен хатларыгызны электрон почтабызга юлларга кирәк: yakti.ul76@gmail.com