Инфекцияләр күбрәк балаларга йога

Узган атнада районда эчәк инфекциясе белән авырган биш кеше теркәлде. Аларның өчесе балалар. С гепатитын йөртүче бер кеше ачыкланды. Җил чәчәге белән авырып җиде бала һәм бер өлкән кеше табибларга мөрәҗәгать итте. Бөер синдромлы геморрагик бизгәк шиге булган бер кеше Яр Чаллы инфекция дәваханәсенә җибәрелде. Ике кеше эт тешләвеннән зыян күрде. Вируслы инфекцияләр йоктыруның 99 очрагы теркәлде, 44е - балалар. Бу эпидемия баскычыннан 19 процентка түбән, дип хәбәр итә Роспотребнадзорның территориаль бүлеге төп белгеч-эксперты Р. Марченко.