Район башлыгы Камил Нәҗмиев «Кама» агрофирмасы басуларында булды, биредә шикәр чөгендерен җыю эшләре җәелдерелгән. Планлаштырылган 3564 гектарның 197 гектары урылган инде, ә тамыразыкларның шикәрлелеге 16% тәшкил итә — бу чор өчен бик тә яхшы күрсәткеч.
Көзге кыр эшләре темпын арттыру өчен хуҗалыкка күрше төбәктән өстәмә техника җәлеп ителгән. Хәзерге вакытта басуларда 4 үзйөрешле комбайн эшли, уңыш дәрәҗәсе гектарыннан 500 центнер көтелә. Җыюны оптималь срокларда төгәлләү өчен Ульяновск өлкәсеннән өстәмә тагын 4 комбайн җәлеп ителгән, алар бүген үк эшкә керешәчәк.
Фото: район мәгълүмат үзәге
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев