Якты юл
  • Рус Тат
  • Лилия Мәхмүтова автор яңалыклары

    • 18 ноябрь 2019 - 10:30
      Тукай районы мине таң калдырды
      Татарстанның халык артисты Хәмдүнә Тимергалиева үзенең 70 яшен тутырды. Аның сәхнәгә чыгуына 50 ел. Татар сәнгатен үстерүгә, дөньяга танытуга, халык җырларын саклап калып, буыннан-буынга тапшыруда аның өлеше бәяләп бетергесез. Моның өчен, беренче чиратта, чын талант булырга, халык күңеленә ачкыч таба белергә кирәк. Әлбәттә инде, намуслы булырга, чын тавыш, моңлы тавыш белән халык мәхәббәтен казанып хезмәт итәргә кирәк. Хәмдүнә апа нәкъ шундыйлардан. Аны таныган, яраткан халкына рәхмәтле ул. Соңгы араларда ул безнең редакциягә дә якынайды. Тукай районында без уздырган бәйрәмнәрнең күркәм бизәге булып алды. Без аның тормышы, тормышка карашы турында да байтак нәрсәләр белдек.  Тимергалиева Хәмдүнә Сәетгали кызы сугыштан соң туган бала. Башкортстанның Борай районы Котлыяр исемле кечкенә татар авылында дөньяга килә. Мәктәпне тәмамлагач, Уфа телефон элемтәсе станциясендә монтажчы булып эшли. Соңрак музыка училищесына укырга керә. 1971 елда Казан татар филармониясенә эшкә килә. 1987 елга кадәр шунда эшли. «Гармун моңнары» дигән беренче җырын ул Эмиль Җәләлетдинов төркемендә эшләгәндә башкара. Моңы һәм көчле тавышы белән тиз арада тамашачы күңелен яулап ала. 1987 елда Татарстанның атказанган, 1992 елда халык артисты исемнәренә лаек була. Аның репертуарында 1000ләп җыр бар. Нигездә, татар халык җырлары. 
    • 12 ноябрь 2019 - 12:17
      Әниләр көне билгеләп үтелә
      24 ноябрьдә елның иң көтеп алган бәйрәмнәренең берсе – Әниләр көне билгеләп үтелә.
    • 25 октябрь 2019 - 12:36
      Пассажирлар канәгать булыр
      Руль артында булган һәр кешенең, бигрәк тә транспорт хезмәте күрсәтү өлкәсендә эшләүчеләрнең һөнәри бәйрәмнәре җитә. Автомобиль транспорты һәм юл хуҗалыгы хезмәткәрләре көне октябрьнең соңгы ял көннәренә туры килә. Бу көнне әлеге тармакта эшләүче берәү дә игътибардан читтә калмасын иде, юлда йөрүче һәр автомобильче якыннарыннан, хезмәттәшләреннән җылы сүзләр кабул итеп алсын иде. Ә без бәйрәм уңаеннан район халкына пассажир йөртү хезмәте күрсәтүче ассоциация вәкилләре белән очрашып, аларның эшчәнлекләре турында әңгәмә кордык. 
    • 23 октябрь 2019 - 13:40
      Тагын почта турында...
      «Якты юл» газетасына язылу чорында почта бүлекләрендәге эш барышы белән танышуыбызны дәвам итәбез. Бу юлы без Борды авыл җирлегендә. Бүген авылларның күбесендә халык почта бүлекләрендә эшләргә кеше юк, почтальоннар бер ай эшли дә китеп бара дип зарлана. Бордыда исә без бөтенләй башка картинага тап булдык. Җирлек Борды, Бордыбаш, Җәйләү авылларын берләштерә. Өч авылга 314 хуҗалык бар. Алар барысы да үзәктә урнашкан почта хезмәтеннән файдалана.
    • 27 сентябрь 2019 - 10:40
      Әбиләр чуагы урынына... кар
      Көн белән төн тигезләшкән 23 сентябрьгә каршы төндә, бөтен кешене шаккаттырып, иртән торган җиргә, дөньяны аклыкка күмеп, ап-ак кар яуган иде. Кинәт кенә көтмәгәндә яуган беренче карга, әлбәттә инде, сөендек. Матур бит, дөнья аклыкка күмелгән. Әле яфраклары да саргаерга өлгермәгән агачлар ак шәлләрен ябынды, машиналар, гомумән, җир кар белән капланды бу көнне.
    • 21 сентябрь 2019 - 11:10
      Үзләре яшь – эшләре җаваплы
      Тынгысыз һәм мәрхәмәтле йөрәк, йокысыз төннәр, кеше гомерен саклап калу өчен көрәш – болар барысы да медицина өлкәсендә эшләүчеләр тормышының аерылгысыз бер өлеше. Мәктәпне тәмамлап һөнәр сайлаганда медицина юлыннан киткән һәр «ак халат» иясе үз өстенә зур җаваплылык ала. Чөнки ул кеше гомере өчен җаваплы. Бары тик үз-үзенә ышанган, көчле рухлы, авыр хәлләрдән чыга белүче, курку белмәгән кыю йөрәклеләр генә бу тармакны сайлыйдыр.
    • 28 июль 2019 - 12:20
      Бикләннең «Ак әби»сенә – 95 
      Шушы көннәрдә Бикләндә туып-үсеп, шунда гомер итүче хөрмәтле ветеран Хәсәншина Мәсрүрә Бәгъданур кызы 95 яшен тутырды. Юбилярны күркәм бәйрәме белән район башлыгы Фаил Камаев исеменннән хакимият вәкилләре котлады. Аңа Россия Президенты исеменнән котлау хаты, истәлекле бүләк һәм чәчәк бәйләме тапшырылды. Юбилярны тәбрикләргә шулай ук район инвалидлар оешмасы рәисе Галимҗан Зарипов, авылның ветераннар советы вәкилләре килде.
    • 7 июль 2019 - 09:00
      Умартачылар, сез кайда?
      Салкын кыштан соң без зарыгып эссе җәйне көтеп алабыз. Шәхсән үзем тизрәк июль җитсен иде, дим. Ни өченме? Бу ай үзенең юмартлыгы һәм байлыгы белән аерата аерылып тора. Кырда кызарып пешкән җиләк, яңа гына чабып алынган сусыл печән, әле генә аертылган өр-яңа балның хуш исләре – аңлатып бетермәслек ләззәт. Авыл балалары булгангадыр инде, болар барысы да матур хисләр булып кечкенәдән күңел түренә кереп калган.
    • 30 март 2019 - 10:40
      «Яшәүнең кадерен белдем»
      «Эш турында уйлап яшәгәнгә, һәрчак хәрәкәттә булганга, Аллаһы Тәгалә, шөкер, озын гомер бирде», – дип озак яшәү сере белән уртаклашты үзенең 90 яшен билгеләп үтүче, Яңа поселогында яшәүче Мингаян Гатый кызы Мингатина. Юбилярны бәйрәме белән район башлыгы Фаил Камаев котлады. Ул аңа чәчәк бәйләме, истәлекле бүләк һәм Россия Президенты исеменнән котлау хаты тапшырды. Юбилярны тәбрикләргә шулай ук район ветераннар советы рәисе Галимҗан Зарипов, авыл җирлегеннән вәкилләр, социаль хезмәткәрләр дә килгән иде. 
    Реклама