Советлар Союзы Герое Кәлимулла Якупов истәлегенә биатлон буенча традицион ярышлар узды

Бүген Яңа поселогы чаңгы-биатлон комплексы территориясендә якташыбыз - Советлар Союзы Герое Кәлимулла Якупович Якупов истәлегенә багышланган традицион биатлон ярышлары узды. Ярышларда районның 18 гомуми белем бирү учреждениесеннән 74 спортчы катнашты.

Тантаналы ачылыш

Ярышларны ачу тантанасы район Советы Аппараты җитәкчесе Айрат Габдуллинның сәламләү сүзе белән башланып китте. Аннары ярышның баш хөкемдары Ришат Вәлиев катнашучыларны беренчелек регламенты белән таныштырды.

Ярышларга йомгак

Ярыш нәтиҗәләре буенча спорт мәктәбе һәм мәктәптән тыш эшләр үзәгендә тәрбияләнүчеләр арасында Иршат Ризатдинов  һәм Камилә Сабирова җиңүчеләр булдылар. Гомуми белем бирү учреждениеләре укучылары арасында беренче урынны Иске Абдул авылыннан Лилия Әхтәмова һәм Түбән Суыксу авылыннан Сабир Гәрәйшин алдылар.

Команда зачеты

Команда беренчелегендә Иске Абдул мәктәбе спортчылары иң яхшылар булды, икенче урынны Күзкәй мәктәбе командасы алды, өченче урынны — Мусабай-Завод мәктәбе командасы.

Җиңүчеләрне район Башкарма комитеты җитәкчесенең беренче урынбасары Айрат Хәбибуллин котлады, аларга истәлекле медальләр һәм грамоталар тапшырды.

Ярышлар дуслык һәм спорт рухы атмосферасында үтте, район тормышында якты вакыйгага әверелде.