5 ноябрь 2026 яңалыклары

• 05 ноябрь 2026

  Тукай районында юлларны тулысынча яңарту өчен ел саен 30 чакрым ремонтларга кирәк

  Тукай районында юлларны яңартуның хәзерге темпын саклаган очракта, 10 елдан юл челтәрен тулысынча норматив хәлгә китерергә мөмкин булачак. Моның өчен ел саен ким дигәндә 30 чакрым юлны ремонтлау кирәк. Бу хакта район башлыгы Камил Нәҗмиев атналык аппарат киңәшмәсендә хәбәр итте.

  
• 05 ноябрь 2026

  Атта йөрү, иҗат һәм әхлак дәресләре: балаларны «Газизулла» мәчете нәрсә белән җәлеп итә?

  Тукай районы Круглое Поле поселогының «Газизулла» мәчетендә балалар өчен чираттагы үзенчәлекле дәресләр уздырыла башлады. Мәчеткә илтүче юлларга тузан кундырмасын дип, кызым Мәдинәне дә бу дәресләргә йөртә башладым. Хәзер ул шимбә көнен уку атнасы тәмамланганга түгел, ә нәкъ менә мәчеттәге курсларга барасы булганга түземсезләнеп көтә дә инде. Иҗади эшләр, кызыклы мастер-класслар һәм файдалы күнекмәләр аша балалар ислам кыйммәтләрен, әхлак кагыйдәләрен үзләштерә анда. Атлар янына экскурсиягә бару, ат өстендә йөрү исә берсен дә битараф калдырмады. Балалар өчен бу яңа тәҗрибә булды, кабатланмас хис-тойгылар бүләк итте.

  
• 05 ноябрь 2026

  Тукай районында «Игелек кыл» марафонында инвалидларның хыялларын тормышка ашырырга ярдәм итәләр

  Тукай районы инвалидлар оешмасы ел саен декабрь аенда «Игелек кыл» («Твори добро») хәйрия марафоны үткәрә. 2018 елдан бирле дәвам итүче әлеге акциянең төп максаты – мөмкинлекләре чикләнгән кешеләргә ярдәм күрсәтү һәм аларның теләкләрен тормышка ашыру. Бу мәгълүматны аппарат киңәшмәсендә фонд җитәкчесе Фәүзия Вәҗиева җиткерде.

  
• 05 ноябрь 2026

  Чаллыда баланы автобустан төшереп калдырган йөртүчегә штраф салганнар

  Чаллыда 16 яшькә кадәрге баланы шәһәрара автобустан төшереп калдырган йөртүче административ җаваплылыкка тартылган. Аңа 5 мең сум штраф билгеләнгән. Бу хакта Татарстан прокуратурасы хәбәр итә.

• 05 ноябрь 2026

  1 декабрьдән кыш көне җәйге шина белән йөргән өчен штраф салачаклар

  1 декабрьдән автомобильдә җәйге шина белән йөргән машина йөртүчеләргә 500 сум штраф яный.

  
• 05 ноябрь 2026

  2027 елда кемнәр пенсиягә чыга алачак?

  2027 елда Татарстанда 1962 елда туган ир-атлар һәм 1967 елда туган хатын-кызлар картлык буенча иминият пенсиясенә чыга алачак. Моның өчен билгеле бер хезмәт стажы һәм пенсия коэффициентлары булу шарт.

  
• 05 ноябрь 2026

  Татарстанда 2027 елдан автомобильләргә техник карау бәясе артачак

  2027 елның 1 гыйнварыннан Татарстанда транспорт чараларын техник карау өчен яңа тарифлар гамәлгә керәчәк. Җиңел автомобильләрне тикшерүнең максималь бәясе 68 сумга артып, 1 270 сум тәшкил итәчәк. Тиешле карарга республика Премьер-министры Алексей Песошин кул куйган, дип яза Татар-информ

  
• 05 ноябрь 2026

  Чаллыда 11 йөк вагоны рельстан чыккан

  Чаллының Комсомольск районында 11 буш йөк вагоны рельстан чыккан. Һәлакәт Авторемонтная урамы янындагы «Железнодорожное управление» җәмгыятенең тимер юлында планлы маневр эшләре вакытында булган. Бу хакта Татарстан Республикасы буенча Россия Гадәттән тыш хәлләр министрлыгының Баш идарәсе хәбәр итә.

  
• 05 ноябрь 2026

  Татарстанда 5 ноябрьдә яңгыр, юеш кар һәм бозлавык көтелә

  5 ноябрь, пәнҗешәмбе көнне, Татарстанда болытлы һава торышы булачак. Татарстан Республикасы Гидрометеорология үзәге фаразлавынча, көн дәвамында урыны белән бераз яңгыр һәм юеш кар явуы көтелә.