Тагын эчү гаепле

admin, 5 ноябрь 2020 - 17:10

611

26 октябрьдә алкоголь кулланып руль артына утыру аркасында тагын бер юл һәлакәте килеп чыкты. Ул Яр Чаллы – Биклән юлында теркәлде.

«Мицубиси Лансер» автомобиленә утырган 43 яшьлек ир-ат исерек булу өстенә, автомобильнең тизлеген дә арттырган. Нәтиҗәдә ул юл кырыена чыгып әйләнгән. Биклән авылында яшәүче әлеге ир-атның йөртү стажы 14 ел. 2019-2020 елларда юл йөрү кагыйдәләрен бозган өчен ике мәртәбә штрафка тартылган булган.
Һәлакәттә машина йөртүче үзе һәм аның 42 яшьлек пассажиры күпләгән тән җәрәхәтләре ала. Кызганычка, пассажир ир-ат шулай ук эчкән хәлдә була.