5 гыйнвар көнне көндезге сәгать 2 тулганда Мәскәү – Уфа трассасының 1068нче километрында РЕНО ЛОГАН автомобиле руле артына утырган пенсионер хатын-кыз, һава шартларын исәпкә алып тормыйча, машинасының тизлеген арттыра һәм каршыга килүче ФОЛЬКСВАГЕН ПОЛО белән бәрелешә. Һәлакәт нәтиҗәсендә дүрт кеше зыян күрә.
Пенсионер хатын-кыз үзе, аның 15 яшьлек пассажир кыз баласы, икенче автомобильнең 39 һәм 36 яшьлек ирле-хатынлы пассажирлары төрле тән җәрәхәтләре ала.
7 гыйнварда кичке 16 сәгать 30 минутта юл-транспорт һәлакәте шушы ук трассаның 1072нче километрында теркәлә. Руль артындагы 55 яшьлек хатын-кыз шулай ук тизлеген арттыра һәм 53 яшьлек җәяүле ир-атны бәрдерә. Ир кеше юлны ярамаган урыннан чыккан, киемендә яктылык кайтаргыч элементлар да булмаган. Җәяүленең башына, гәүдәсенә зыян килә, сыну җәрәхәтләре ала, БСМПга озатыла.
ФОТО район ЮХИДИ бүлегеннән бирелде.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев