«Кышкы каникуллар»

Ул балаларны яллар вакытында юл-транспорт һәлакәтләреннән саклау максатын күздә тота. Ел башыннан республика юлларында балалар катнашында 520 һәлакәт теркәлгән, аларда 15 баланың гомере өзелгән. Тукай районында шундый 14 һәлакәт булган, 18 бала имгәнүләр алган. Балаларны автомобильдә йөртү аерата хәвеф тудыра. Гомере өзелгән 15 баланың 11е нәкъ менә пассажирлар булган. 
Район ЮХИДИ хезмәткәрләре чара кысаларында мәктәпләргә, автотранспорт предприятиеләренә чыгачак, ата-аналар белән әңгәмәләр үткәрәчәк, җәяүле балаларны күзәтүгә алачак. Кагыйдә бозу турындагы мәгълүмат мәгариф учреждениеләренә җибәреләчәк. Профилактик чара 8 январьга кадәр дәвам итә.