Якты юл
  • Рус Тат
  • Бензин цистернасын аударган

    3 июнь көнне кичке сәгать 4 тулгач Яр Чаллы – Водозабор юлына Ильбухтино авылыннан чыккан борылышта «Форд Фокус» автомобиле бензин ташучы «КАМАЗ» машинасына юл бирми. Алар бәрелешеп, ярымприцеп-цистерна юл кырыена чыгып ава.

    Җиңел машинада руль артында 28 яшьлек хатын-кыз була. Бәрелешүдә йөк машинасының шоферы, шулай ук җиңел машинаның йөртүчесе һәм ике пассажиры тән җәрәхәтләре ала. Алар арасында алты яшьлек малай да була. Сәламәтлекләренә зыян алучылар барысы да ашыгыч ярдәм күрсәтү дәваханәсенә озатыла. 
    Юл-транспорт һәлакәте килеп чыкканда бензин цистернасында составында нефть булган 20 тонна сыеклык була, җиргә аның якынча 16 тоннасы ага.

    Фото район ЮХИДИ бүлеге тарафыннан бирелде. 

    Нравится
    Поделиться:
    Реклама
    Комментарии (0)
    Осталось символов: