Авыл эчендә дә кагыйдә үтәү мәҗбүри

admin, 19 октябрь 2020 - 09:35

711

21 октябрьдә, чәршәмбе көнне, иртәнге сәгать 6дан 9га кадәр район ЮХИДИ хезмәткәрләре Иске Абдул авылына «Тоннель» рейдына чыгалар.

Инспекторлар авыл эчендә балаларны махсус утыргычларда алып баруга игътибарны юнәлтәчәкләр. Искә төшерәбез, юл йөрү кагыйдәләренең бу төрен бозу 3 мең сум күләмендә штрафка китерә.
Узган рейд Яр Чаллы – Водозабор юлының алтынчы километрында үткән иде. Анда инспекторлар куркынычсызлык каешын такмаучыларны тикшерделәр. Рейдта шундый биш йөртүче тоткарланып, аларга административ беркетмә төзелде.