Ярминкәдә бәяләр нинди булыр?

Яр Чаллы шәһәрендә 21 сентябрьдән башлап 19 октябрьгә кадәр атна саен авыл хуҗалыгы ярминкәләре эшләячәк. Анда авыл хуҗалыгы һәм көндәлек кулланудагы товарлар күпләп сатылачак. Районның товар җитештерүчеләре, барлык формадагы милекчеләре, сәүдә оешмалары һәм шәхси хуҗалыклар, элеккечә үк, Сарман трактындагы базар мәйданында сатачаклар.

Район авыл хуҗалыгы һәм азык-төлек идарәсеннән хәбәр итүләренчә, көзге ярминкәдә беренче категорияле йомырканың дистәсен - 30 сумга, агызып сатыла торган сөтнең бер литрын - 20-22, Голландия сырының килограммын - 210, атланмайның килограммын - 170-200, югары сортлы онның килограммын - 12,5, борчакны - 18, карабодай ярмасын - 25, бәрәңгене - 10, кишерне - 15, аш чөгендерен - 13-15, суганны - 15, кәбестәне - 7-8, бодайны - 8, арпаны - 7, арышны - 6, солының килограммын - 6 сумга, бер төргәк печәнне - 1200 сумга, саламны - 400 сумга сату тәкъдим ителә.