Һәвәскәр бакчачы сораулар көтә

Февраль ае бакчачы өчен чын мәгънәсендә урак өстенә әйләнә. Кайчан һәм нәрсә утыртырга, орлыкларны ничек сайларга, мул уңыш бирсен өчен бакча культураларын ничек тәрбияләргә? Һәр чын бакчачыда менә шундый һәм башка меңләгән сораулар туа. Ә җавапны каян табарга соң, кем белән киңәшләшеп эш итәргә? Укучыларыбызга икеләнүләреннән арынырга танылган бакчачы, агроном, икътисадчы, галим, язучы, журналист Фарсель Зыятдинов ярдәмгә киләчәк. Сезонлы бакча эшләре белән бәйле нинди сорауларыгыз бар, бу хакта безгә язып җибәрә аласыз яки редакция телефоны аша җиткерергә мөмкин. Бер генә сорау да читтә калмаячак. Һәрбер сорауга Фарсель Сәхап улы Зыятдинов җавап бирергә әзер. Һәвәскәр бакчачының ярдәм-киңәшенә, белем-тәҗрибәсенә таянып эш итсәк, безнең дә бакчаларыбыз гөрләп торыр.