Ураза гаете котлы,  мөбарәк булсын!

Олуг Гает көненә ирешүегез белән һәрбарчагызны тәбрик итәм! Аллаһы Раббуль Гыйззә илләребезгә-көннәребезгә тынычлык, иминлек, йортларыбызга бәрәкәт, үзебезгә саулык-сәламәтлек, тәүфикъ-һидаят насыйб итсен. Бәйрәмнәребез мөбарәк булсын!
Менә тагын бер изге Рамазан ае узып китте. Әлеге айда тоткан уразаларыбызны, укыган намазларыбызны, күрсәткән сый-хөрмәтләребезне, биргән сәдакаларыбызны һәм барлык игелекле гамәлләребезне Аллаһы Тәгалә кабул итсен, шулар хисабына әҗер-савапларга ирешеп, ике дөнья бәхете насыйп итсен.
Барыбызга да иман ныклыгы, күңел тынычлыгы, сәламәтлек, гаилә бәхете, иминлек-тынычлык, акыл-хикмәт һәм файдалы гыйлемнәр насыйп булсын. Ил-көннәребез тыныч булсын, Аллаһы Тәгалә төрле афәтләрдән сакласын. Киләсе Рамазан айларын да шатланышып, сау-сәламәт хәлдә, бергәләшеп каршыларга насыйп булсын!

Ихтирам белән район имам-хатыйбы Җәүдәт Харрасов.